ER DU PÅ JAKT ETTER MIDLAR TIL NYTT LIV I NAUST OG SJØHUS?

Forbundet KYSTEN

Søknadsfristen vår er 22. april og du kan lesa meir om kriterier her.

Riksantikvaren 

Riksantikvaren har lyst ut 12 millionar i tilskot til verdiskaping i kulturmiljø. I 2025 vil søknader for kysten og landbruket bli prioritert. Her er søknadsfristen allereie 31. mars. Du kan lesa meir om denne ordninga hjå Riksantikvaren.  

Kulturminnefondet 

I tillegg har Kulturminnefondet ordningar for faste kulturminner, som til dømes naust og sjøhus. – Her er det løpande søknadsfrist, slik at det er berre å kvessa blyanten og senda søknad, seier Kjell Magnus og viser til www.kulturminnefondet.no 

Fortidsminneforeningen 

Til sist fortel han om ei ordning som Fortidsminneforeningen byr på. Aktørar på austlandet som får tilsagn på søknaden til Forbundet KYSTEN vil nemleg kunne vera aktuelle for å få ein kurs- og rådgjevingspakke frå Fortidsminneforeningen. – Restaurering og istandsetjingsprosjekt kan vera gode arenaer for å engasjera friviljuge, barn og unge for å formidla handverk og historien til bygningen, seier Kjell Magnus. Fortidsminneforeningen har etablert ei ressursgruppe med handverkarar som er godt trente formidlarar og kurshaldarar. Det er utarbeidd fleire ulike kursvariantar: 2-dager kurs i bygningsvern, vekeskurs for skuleelevar og dugnadscamp i 3-5 dagar. 

Les meir om dette på Fortidsminneforeningen - info om kurs- og rådgjevingspakke.  

Ta kontakt! 

Hugs at det er viktig å setja seg godt inn i kriterier og ta gjerne kontakt med Riksantikvaren, Kulturminnefondet eller Fortidsminneforeningen dersom du har spørsmål om deira ordningar. Og så er det sjølvsagt høve til å ta kontakt med underteikna rundt Forbundet KYSTEN sine midler, avsluttar Kjell Magnus Økland. Du kan lesa meir om kriterier på siden vår. 

Prosjektet er støtta av Sparebankstiftelsen DNB.